"Челси"нинг ҳаддан ташқари фаол трансфер кампанияси УЕФАни лондонликларнинг молиявий ҳолатини диққат билан кузатишга мажбур қилди.
Агар “Челси” келаси мавсумда Чемпионлар лигаси йўлланмасини қўлга кирита олмаса, молиявий фейр-плей муаммоларига дуч келиши мумкин, деб ёзади The Times.
Қайд этилишича, вазият жиддий эмас ва қийинчиликларни Хадсон-Одои ва Конор Галлахернинг сотуви билан қоплаш мумкин. Иккала футболчи ҳам клуб тарбияланувчиси, шунинг учун уларни сотиш клубнинг соф даромади ҳисобланади.
Қайд этиш керакки, “Челси” қишки трансфер ойнасини жуда фаол ўтказди, 9 нафар янги футболчи билан шартнома имзолади ва улар учун деярли 330 миллион евро сарфлади.
