Франция терма жамоаси ҳужумчиси Рандаль Коло-Муани Аргентинага қарши ЖЧ-2022 финалидаги лаҳзани унута олмаслигини тан олди. 24 ёшли франциялик футболчи қўшимча бўлимлар якунида гол ура олмаган эди.
«Мен ҳали ҳам бу лаҳзани тушларимда кўрмоқдаман. Бу ҳали ҳам томоғимдаги катта бўлак кабидир ва умрим давомида шундай бўлиб қолади деб ўйлайман», — деди Коло-Муани BeIn Sports эфирида.
Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтди. Аргентина финал ўйинида Францияни пенальтилар сериясида мағлуб этиб, турнир ғолиби бўлди.
