«Арсенал» ҳимоячиси Такехиро Томиясу «канонирлар» бош мураббийи Микель Артета ҳақида хушомад билан гапириб, испаниялик мутахассис футбол ҳақида ҳамма нарсани билишини айтди.

«Микель футбол ҳақида ҳамма нарсани билади. Бизнинг вазифамиз - у майдонда нима сўраса, шуни қилиш.

Мен унга ишонаман. У шунчаки ажойиб. У мен билан бирга ишлаган энг яхши мураббий», - дея Томиясунинг сўзларини келтиради Goal.

Эслатиб ўтамиз, Англия премьер-лигасининг жорий мавсумида «Арсенал» етакчилик қилмоқда. Микель Артета жамоаси 19 ўйиндан сўнг 50 очко тўплади.

«Канонирлар» энг яқин таъқибчисидан беш очко олдинда. «Арсенал» навбатдаги ўйинини эртага, 4 февраль куни ўтказади. Лондонликлар сафарда «Эвертон» жамоаси билан ўйнайди.