«Астон Вилла» бош мураббийи Унаи Эмери «Вильярреал» марказий ҳимоячиси Пау Торресни ўз жамоасига қўшмоқчи.
Испаниялик мутахассис ўз ватандоши билан «Вилла Парк»да учрашишни истайди.
Эслатиб ўтамиз, Торресга аввалроқ «Реал» ва «Манчестер Юнайтед» каби бир қанча топ-клублар қизиқиб қолганди. Қандай бўлмасин, ҳимоячи ҳали ҳам «Вильярреал»да ўйнашда давом этади.
Эмери 2020 йилдан 2022 йилгача «Вильярреал»да ишлаган ва Торресни шахсан жуда яхши билади. Пау 2020/21 йилги мавсумда Унаи қўл остида Европа лигасида ғолиб чиқди. Ҳимоячи жорий мавсум Ла Лигада 17 та ўйинда майдонга тушди.













