«Арсенал» ярим ҳимоячиси Мухаммад Эльнени мавсум охирида Артета жамоасини тарк этиши мумкин.
Inter News хабарига кўра, мисрлик футболчи фаолиятини Италия А Сериясида давом эттириши мумкин.
Футболчи «Интер» учун жуда қизиқ, жамоа келаси ёзда ўз ярим ҳимоячиси Роберто Гагльярдинига ўринбосар қидиради.
Эльненининг ўзи энди «Арсенал» бош мураббийи Микель Артетанинг режаларида эмас. Бу Жоргиньо трансферидан кейин янада яққол кўзга ташланди.
Эслатиб ўтамиз, Эльнени 2016 йилнинг ёзида Швейцариянинг «Базель» жамоасидан «канонирлар» лагерига кўчиб ўтган эди. Ўшандан бери у «Арсенал»да тўп тепмоқда.
