"Арсенал" бош мураббийи Микель Артета жорий мавсумда учинчи марта АПЛда ойнинг энг яхши мураббийи деб топилди.
У бу мукофот учун овоз йиғишда Унаи Эмери («Астон Вилла»), Роберто Де Дзерби («Брайтон»), Томас Франк («Брентфорд») ва Стив Куперни («Ноттингем») ортда қолдирди.
Январь ойида "Арсенал" Премьер-лигада 3 та ўйин ўтказди. Клуб "Тоттенхэм" (2:0) ва "Манчестер Юнайтед" (3:2) устидан ғалаба қозонди, шунингдек, "Ньюкасл" билан дуранг ўйнади (0:0).
Артета кетма-кет иккинчи ва жорий мавсумда учинчи марта Премьер-лигада ойнинг энг яхши мураббийи деб топилди. Пеп Гвардиола сўнгги бор кетма-кет икки марта (2021 йилнинг ноябрь ва декабрь ойларида) совринни қўлга киритган эди.
