"Интер" ҳимоячиси Милан Шкриньяр нима учун шу йилнинг январь ойида "ПСЖ"га ўтмагани маълум бўлди, деб хабар беради Relevo.
Манбага кўра, "ПСЖ" президенти Носир Ал-Хелайфи Милан Шкриньярнинг қишки трансфери борасида "Интер" президенти Стивен Чжан билан деярли келишиб олган, бироқ вазиятга Милан клуби директори аралашган. Улар “Интер” раҳбариятини ҳали футболчини сотмасликка кўндиришди.
Хабар қилинишича, 27 ёшли футболчи июнь ойида “Интер”ни 100 фоизга текинга тарк этиб, француз клубига ўтади.
Шкриньяр жорий мавсумда “нерадзуррилар” сафида барча турнирларда 27 та ўйинда майдонга тушди ва 1 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
