Катаалониянинг El Mundo Deportivo нашри хабарига кўра, «Барселона» ярим ҳимоячиси Иброҳим Афеллайнинг «Интер»га ижара асосида ўтиши амалга ошмаслиги мумкин.
26-ёшли голландиялик футболчининг Италияга кўчиб ўтиши борасида музокаралар давом этаётган эди. Бироқ ҳужумчи Антонио Кассанонинг клубга келиб қўшилиши миланлликларнинг Афеллайга бўлган қизиқишни сўндириб юборди.
Эслатиб ўтамиз, футболчининг хизматларига «Зенит» клуби ҳам қизиқмоқда. Аммо, олинган сўнгги маълумотларга қараганда "Барселона" устози Тито Виланова Афелайни жамоада олиб қолишга қарор қилган.
