Ҳужумчи Лионель Месси "ПСЖ" билан шартномасини узайтиришга шошилмаяпти.
Culture PSG нашри журналист Гастон Эдуга таяниб хабар беришича, аргентиналик футболчи жорий мавсум якунида "ПСЖ"да қолиши кераклигига шубҳа қилмоқда. Шу муносабат билан ҳужумчи "ПСЖ" раҳбарияти билан яқинда бўлиб ўтиши керак бўлган учрашувни кейинга қолдирди.
Қайд этилишича, ҳозир Месси узоқ муддатли фаолият ҳақида ўйламоқда. "ПСЖ" билан шартномасини узайтиришдан олдин у фаолиятининг сўнгги йилларидан нимани хоҳлашини тушунмоқчи.
35 ёшли футболчи жорий мавсумда парижликлар сафида барча турнирлар доирасида 23 ўйинда 14 та гол урди ва 14 та голли узатмани амалга оширди.
