Англиялик собиқ футболчи, ҳозирда телебошловчи бўлиб ишлаётган Гари Линекер АПЛ доирасида «Фулхэм» билан ўйиндаги нурсиз дурангдан сўнг «Челси» ҳақида ҳазил қилди.

«Агар «Челси» бу ёзда янги ўйинчилар учун катта пул сарфлашга тайёр бўлса, у футболчилар жамоага хавф туғдириши мумкин», - деб ёзди Линекер ижтимоий тармоқда.

Гап, албатта, лондонликларнинг жорий қишдаги катта трансфер харажатлари ҳақида кетмоқда. «Кўклар»нинг энг йирик хариди аргентиналик ярим ҳимоячи Энцо Фернандес бўлди – 121 миллион евро, «Челси» раҳбарлари шунингдек, Украина футболининг ўсиб бораётган юлдузи — Мудрик учун бонуслар билан бирга 100 миллион евро сарфладилар.

Бугунги ўйиндан сўнг «Челси» вақтинча АПЛда тўққизинчи, «Фулхэм» эса олтинчи ўринга кўтарилиб олди.