Қишки трансфер ойнасида жамоани тарк этиши мумкин бўлган «Рома» ярим ҳимоячиси Николо Дзаньоло клубга психофизик сабабларга кўра унга 30 кунлик дам олиш кераклиги ҳақида тиббий хулоса юборди, дея хабар беради журналист Жанлука Ди Марцио.
Манбага кўра, Рим клуби Дзаньолони қайта кўрикдан ўтказиш учун чақирган. Николо рим шифокорлари иштирокида навбатдаги тиббий кўрикдан ўтиши керак.
«Рома» футболчи билан юзага келиши мумкин бўлган суд жараёнларининг олдини олиш учун уни ЕЛ қайдномасидан четламасликка қарор қилди. Аммо клуб Николони жамоадаги ўйинларга жалб қилишни билдирмайди.
Аввалроқ Италия жамоаси президенти футболчини мавсум охиригача таркибдан четлатгани ҳақида хабар берилганди.
