Германия терма жамоаси ва Мюнхеннинг “Бавария” клуби дарвозабони Мануэль Нойер оёғидан олган жароҳатидан сўнг терма жамоадаги келажаги ҳақида фикр билдирди ва немислар бош мураббийи Ханс-Дитер Флик дарвозабоннинг қайтишини кутаётганини таъкидлади. Нойер Германия терма жамоасининг бошқа дарвозабонлари - Марк-Андре тер Штеген ва Кевин Трапп билан рақобат ҳақида ҳам гапирди.
"Биз Ханс Флик билан гаплашдик. Терма жамоадаги мураббийим Андреас Кроненберг билан ҳам гаплашдим. Ханс, албатта, мен қайтиб келаман деб ўйлайди ва бунинг учун ҳамма нарсани қиламан. Ишончим комилки, мен буни қила оламан.
Тер Штеген ва Трапп билан рақобатми? Ким энг яхши бўлса, ўша ўйнайди. Агар мен ўйнашни истасам, энг зўр бўлишим керак. Ҳар доим шундай бўлган", - деди Нойер The Athletic билан суҳбатда.
