Италиянинг "Милан" клуби Мадриднинг "Реал" клуби яримҳимоячиси Рикардо Какани ижарага олиш учун музокараларни қайтадан ўрнатди. Бу ҳақда La Gazzetta dello Sport нашри хабар тарқатмоқда.
Кеча бўлиб ўтган Испания суперкубоги доирасида бўлиб ўтган "Реал" ва "Барселона" жамоалари учрашувида таниқли агент Эрнесто Бронцетти "Реал" президенти билан "Милан" таклифини айтиш мақсадида учрашган.
Ушбу учрашувдан кейин италян клуби вице-президенти Адриано Галлиани Мадридда бўладиган жавоб учрашувига ташриф буюрадиган бўлди.
Эслатиб ўтамиз, олдинроқ "Милан" Какани "Реал" таклиф қилган сумма баланд нархда эканини билдириб сотиб олиш фикридан қайтганди.
Таъкидлаш лозим, Каканинг "Реал"да ишлаб топадиган бир йиллик маоши 10 миллион еврони ташкил қилади.