Англиялик футбол эксперти Жейми Каррагер "Челси" вингери Михаил Мудрикнинг ўйини ҳақида фикр билдирди.
"Мудрик "Ливерпул"га қарши ўйинда майдонга тушганида дарҳол ниманидир кўрсатди, у 0:0 ҳисобини сақлаб қолишда яхши ҳаракат қилди. Михаил ўйинга тушганида ажойиб ўйнади. Гап шунчаки тезликда эмас, бу яққол кўриниб турди.
У Азар каби жуда тез оёқларга эга, биз Премьер-лигада кўрган "Челси"нинг энг яхши ўйинчиларидан бири. У тўпни тўғри позицияларда қабул қилади ва ўйинчиларни кўради. Гап тезликда эмас, футбол маҳоратида. Унинг шериклари қаерда эканлигини тушуниш. Ўйлайманки, у ҳимоячилар учун даҳшатга айланади", - деди Каррагер.
Эслатиб ўтамиз, кечаги "Челси" - "Фулхэм" учрашувида биринчи бўлимдан кейин Мудрик алмаштирилганди.
