"Бавария" ярим ҳимоячиси Томас Мюллер қишки трансфер ойнасининг сўнгги кунида жамоадоши Марсель Забитцернинг "Манчестер Юнайтед"га ўтганидан ҳайратда қолганини айтди.
Австриялик футболчи 2022/23 йилги мавсумнинг қолган қисмини инглиз клубида ижара асосида ўтказади.
"Мен ҳайрон бўлдим, бутун жамоа ҳайрон бўлди. Ҳаммаси жуда тез содир бўлди! Марсель шундай йирик клубда ўйнаш имкониятига эга бўлганидан хурсандман. Аммо ёзда у бизга қайтиб келади. Бизнинг биргаликдаги ҳикоямиз ҳали тугамади", - деди Мюллер Kicker билан суҳбатда.
Забитцер “Бавария”га 2021 йилнинг августида келиб қўшилган. 2022/23 йилги мавсумда у мюнхенликлар сафида 24 та ўйинда майдонга тушиб, 1 та гол ва 1 та голли узатмани амалга оширган.
