«Барселона» ҳимоячиси Алехандро Бальде эртага Ла Лига доирасида «Севилья»га қарши ўйинда иштирок этади.
Бу ҳақда матбуот анжуманида жамоа бош мураббийи Хави Эрнандес маълум қилди.
«Бальде? Шифокорлар унинг яхши эканини айтишди. У эртанги ўйинга тайёр. Бироқ, биз ҳали Алехандрони «Севилья»га қарши майдонга тушириш-туширмаслик борасида бир қарорга келганимиз йўқ», - деди Хави.
Эслатиб ўтамиз, бу мавсумда Бальде Испания чемпионатида 4 та голли узатмани амалга оширди. «Барселона» Алехандро билан шартномани узайтириш устида фаол ишламоқда. 19 ёшли футболчининг амалдаги шартномаси келаси мавсум охирида якунига етади.
