«Эвертон» ҳимоячиси Жеймс Тарковский АПЛнинг 22-тури доирасидаги «Арсенал» устидан қозонилган ғалаба (1:0) ҳақида фикр билдирди. У ушбу учрашувдаги ягона гол муаллифига айланди.
«Бугун бизга, мухлислар ва клубнинг барча ходимларига қийин бўлди. Умид қиламанки, бу клуб учун бурилиш нуқтаси бўлади, бу клубда жуда кўплаб иқтидорлар бор.
Мен кўпроқ гол уришим керак. Бу учун вақтим етарли. Душанба куни ишга қайтамиз ва давом этамиз.
Баъзида бизга бироз жасорат етишмасди ва мухлислар шуни талаб қилишди. Бугун биз буни ҳис қилдик», — дея Тарковскийнинг сўзларини келтиради BBC.
«Эвертон» 2022 йилнинг октябридан бери илк бор ғалаба қозонди. Жамоа Премьер-лига турнир жадвалида 17-ўринни эгаллаб турибди.
