Англия премьер-лигасининг йигирма иккинчи туридан ўрин олган ўйинда «Лестер» сафарда «Астон Вилла» устидан ғалаба қозониб, рақиблари дарвозасига тўртта гол урди.
«Лестер» бош мураббийи Брендан Рожерс жамоанинг ўйинидан жуда мамнун ва уни бенуқсон деб атади.
«Биз бугун беғубор футбол ўйнадик, агар вазиятларга янада харис бўлганимизда кўпроқ гол урардик.
Тете ажойиб ўйин ўтказди, у майдон марказида бўш жой яратади. Иккинчи бўлимда биз сўнгги пайтларда жуда ишончли ўйин кўрсатаётган жамоага қарши мустаҳкам ўйнадик.
Мен жамоамиз ва футболчиларнинг менталитетига шубҳа қилмайман», - дея Рожерснинг сўзларини келтирди BBC Sport.
