Франкфуртнинг “Айнтрахт” клуби ҳужумчиси Рандал Коло-Муани “Герта”га қарши ўйинда дубль қайд этди.
Франциялик футболчи Бундеслиганинг 19-тури доирасидаги ўйиннинг 21 ва 28-дақиқаларида – пенальтидан ва ярим ҳимоячи Жеспер Линдстрёмнинг узатмасидан сўнг гол урди.
Умуман олганда, 24 ёшли футболчи Германиянинг жорий чемпионатида 9 та гол ва 10 та голли узатмага эга. Европанинг кучли беш лигасида гол+пас тизимида фақат ҳужумчилар Эрлинг Холанд (“Манчестер Сити”, 25+3) ва Неймар (“ПСЖ”, 12+10) кўпроқ очко тўплашди. Худди шу рақам - парижликлар ҳужумчиси Лионель Мессида ҳам бор (9+10).
