"Манчестер Сити" ярим ҳимоячиси Родри Эрнандес ҳужумчи Эрлинг Холанд ҳақида ўз фикрларини билдириб ўтди.
“Биз Эрлингда рақибларни қўрқитиш учун қуролимиз борлигини ҳис қиляпмиз. У билан биз бошқача ўйнай бошладик - илгари бизда бундай қурол йўқ эди, энди эса бор.
Холанднинг майдонга тушиши голлар гаровидир. У доимий равишда ўртача ҳар бир ўйинда биттадан кўпроқ гол уриши мумкин. У ва Кейн ҳозирда Премьер-лиганинг иккита энг зўр ҳужумчиларидир", - деган Родри.
22 ёшли норвегиялик футболчи АПЛнинг 19 ўйинида 25 та гол урди. Бугун, 5 февраль куни "Манчестер Сити" "Тоттенхэм" билан ўйнайди.