"Айнтрахт" ва Германия терма жамоаси дарвозабони Кевин Трапп терма жамоадаги ҳамкасби ва "Бавария" дарвозабони Мануэль Нойернинг шов-шувли интервьюсига изоҳ берди.
Эслатиб ўтамиз, дарвозабон интервьюда Мюнхен клуби раҳбариятининг дарвозабонлар мураббийи Тони Тапаловични ишдан бўшатиш ҳақидаги қарорини танқид қилган эди.
"Бу унинг иши. Агар Мануэль бу юкдан қутулиши кераклигини ҳис қилган бўлса, шундай бўлсин. Дарвозабонлар мураббийи ва дарвозабон ўртасидаги муносабатлар жуда яқин бўлиши мумкинлигини ўз тажрибамдан биламан. Бу нафақат иш муносабатлари, балки дўстлик ҳамдир. Нойер учун бу қанчалик қийинлигини тасаввур қила оламан. Аммо бу унинг иши”, - деди Трапп.
Тапалович 2011 йилдан буён “Бавария” дарвозабонлари мураббийи ҳисобланади. У Хосеп Гвардиола, Юпп Хайнкес, Ханс-Дитер Флик, Ник Ковач, Юлиан Нагельсманн каби бош мураббийлар билан ишлаган.
