"ПСЖ" ҳимоячиси Маркиньос Лионель Мессининг ўйинидан мамнун.

Кеча парижлик ҳужумчи Франция чемпионатининг 22-туридан ўрин олган "Тулуза"га қарши ўйинда (2:1) ғалаба голини киритди.

"Месси даҳо. Биз у ҳақида бирорта ёмон сўз айта олмаймиз, бу феномен. У ўзини ҳамма нарсада синаб кўрди ва ҳамма нарсада ғалаба қозонди, лекин у доимо янги ютуқлар учун мотивацияга эга. У кўпроқ нарсани хоҳлайди.

У биз билан эканлигидан жуда хурсандман. Мессида мотивация бор, у жамоага ёрдам беришни хоҳлайди", - деди Маркиньос ESPN телеканалига берган интервьюсида.

Жорий мавсумда аргентиналик футболчи ПСЖ сафида барча турнирлар доирасида 23 ўйинда 14 та гол ва 14 та голли узатмага муаллифлик қилган.