«Милан»нинг собиқ футболчиси Александр Пато ҳужумчи Рафаэль Леауга маслаҳат берди.
Айни дамда «россонерилар» португалиялик билан шартномани узайтириш борасида музокаралар олиб бормоқда. Шу билан бирга, Леау кўплаб Европа гигантларининг қизиқиш марказига тушган.
«Леау юрагида нимани буюрса, шуни қилиши керак. Баъзан сизнинг атрофингизда жуда кўп маслаҳатчилар бўлади ва бу сизга халақит беради.
У нимани қилишни ўзи ҳал қилиши керак. Шу билан бирга, «Милан»да унга керак бўлган ҳамма нарса бор», - деди Пато.
Рафаэль Леаунинг «Милан» билан амалдаги шартномаси 2024 йил тақвим йилининг ўрталарига қадар тузилган.
