"Манчестер Сити" ҳимоячи Рико Льюиснинг маошини 5 баробар оширишни кўриб чиқмоқда, деб хабар бермоқда Daily Star нашри.
18 ёшли Льюис жорий мавсумда "Манчестер Сити"нинг асосий жамоасида ҳозиргача 15 та ўйинда майдонга тушди.
Саккиз ёшидан "шаҳарликлар" тизимида ўйнаб келаётган ҳимоячининг жадал ривожланиши жамоага январь ойида Жоау Канселуни "Бавария"га қўйиб юбориш имконини берди.
"Манчестер Сити" эндиликда Льюисни янги шартнома билан мукофотламоқчи, бу эса англиялик футболчининг маошини ҳафтасига ҳозирги 5000 фунтдан 25000 фунтгача оширади.
Футболчининг "шаҳарликлар" билан амалдаги шартномаси 2024 йилнинг ёзига қадар мўлжалланган.
