Англия Премьер-лигасининг йигирма иккинчи тури кутилмаган натижаларга бой бўлди ва «Ноттингем Форест»нинг «Лидс» устидан қозонган ғалабасини шундай санаш мумкин.
«Лидс» бош мураббийи Жесси Марш якуний натижадан хафа, унинг фикрича, ўйин давомида жамоаси яхшироқ ўйнаган.
«Ўйлайманки, биз бу ўйинда яхшироқ ҳаракат қилдик, кўпроқ имкониятлар яратдик. Аммо ўйинни натижага айлантиришда унчалик яхши эмасмиз ва буни қабул қилиш мен учун қийин.
Бу борада нимадир қилишимиз керак, балки бизга бироз қатъийроқ тартиб керакдир, чунки йигитлар майдонда исталган жойда югуришди. Аввалгидек тактик режага амал қилмадик», дея Маршнинг сўзларини келтирмоқда BBC Sport.
