Лондоннинг «Тоттенхэм» клуби бош мураббийи Антонио Конте яқинда операция қилинган эди.

«Манчестер Сити»га қарши ўйин (1:0) якунланганидан сўнг, у учрашувда киритилган ягона гол муаллифи бўлган Харри Кейнга қўнғироқ қилди. Бу гол билан ҳужумчи «шпорлар» тарихидаги энг яхши тўпурарга айланди.

«Харри, мен сен билан фахрланаман. Сен билан «Тоттенхэм»нинг барча мухлислари фахрланади», - деди италиялик мутахассис.

Шунингдек, кечаги тўп Кейн учун Премьер-лигадаги 200-гол бўлганини ҳам таъкидлаш жоиз. Бу кўрсаткич бўйича у Уэйн Руни (208) ва Алан Ширердан (260) ортда қолмоқда.