"Милан" ва Португалия терма жамоаси ҳужумчиси Рафаэль Леау Лондоннинг "Челси" клубининг трансфер мақсади ҳисобланади.
La Stampa нашри маълум қилишича, "кўклар" футболчининг трансфери учун тахминан 100 миллион евро тўлашга тайёр. Лондон клуби португалиялик футболчига йилига 10 миллионга яқин маош тўлашга тайёр.
Transfermarkt портали ҳужумчининг нархини 80 миллион еврога баҳоламоқда. Томонлар ўртасидаги амалдаги шартнома муддати 2024 йилнинг ўрталаригача ҳисобланган.
2022/2023 йилги мавсумда Рафаэль Италия чемпионатининг 20 та учрашувида қатнашиб, 8 та гол урди ва 5 та голли узатмани амалга оширди.
