Бугун «Қўқон-1912» жамоасининг офисига Хитойнинг Куйтун шаҳридан келган йирик инвесторлар ташриф буюришди. Жамоанинг катта тарихга эга бўлганидан хабар топган инвесторлар «Қўқон-1912» футбол клуби тарихига катта қизиқиш билдирдилар. Меҳмонларни жамоа раҳбарияти илиқ кутиб олди ва уларга жамоанинг тарихи ҳақида қизиқарли маълумотлар берилди. Инвесторлар ва «Қўқон-1912» жамоаси вице-президенти Акрамжон Мамадалиев ўртасида қизғин суҳбат бўлиб ўтди

Хитойлик меҳмонлар «Қўқон-1912» жамоасини Куйтун шаҳридаги маҳаллий жамоа билан ўртоқлик учрашувига таклиф қилишди. Агар «Қўқон-1912» жамоаси бу таклифга рози бўладиган бўлса, кутиб олиш ва меҳмонхона харажатларни хитойликлар ўз бўйниларига олишларини ҳам таъкидлашди. Бу таклифга жавобан эса жамоа раҳбарияти чемпионат вақтида бўладиган танаффусда Хитойга бориб, ўртоқлик учрашувида майдонга тушишга розилик беришди. Бу масала бўйича кейинчалик яна бир бор суҳбатлашишга келишиб олинди. Учрашув сўнггида инвесторларга эсдалик совғалари тақдим этилди.

Шунингдек жамоа раҳбари Қўқон шаҳри ҳокими Маъруфжон Азамович Усмонов қабулида бўлди. Қабул давомида ҳокимимиз жамоа аъзоларини «Фарғона вилояти ҳокими кубоги» турниридаги ғалаба билан табрикладилар ҳамда жамоамизни ҳар томонлама қўллаб қувватлашга тайёр эканликларини билдирди.