"Барселона" бош мураббийи Хави Испания чемпионатининг 20-туридан ўрин олган "Севилья"га (3:0) қарши ўйиндан сўнг ҳужумчи Рафиньяни мақтади. Бразилиялик футболчи ушбу ўйинда битта гол урди ва Гавига голли узатма берди.
"Менимча, у тобора яхшиланмоқда. Рафинья - ажойиб ўйинчи", — деди Хави Mundo Deportivo билан суҳбатда.
26 ёшли Рафинья 2022 йилнинг ёзида “Лидс”дан “Барселона”га ўтган эди. Transfermarkt маълумотларига кўра, бразилиялик ҳужумчининг трансфери Каталония клубига 58 миллион еврога тушган. Рафинья жорий мавсумда 29та ўйинда 6та гол урди ва 8та голли узатмани амалга оширди.
