Мадриднинг “Реал” клуби ҳужумчиси Карим Бенземани тайёрлаётган мураббий Педро Паррадо шогирдининг жорий мавсумдаги жароҳати ҳақида фикр билдирди.
"Карим шундай менталитетга эгаки, у тинимсиз машғулот ўтказишни ва яхшиланишни хоҳлайди. Клуб уни қайтганидан сўнг дарҳол ўйинга қўйиб, хатога йўл қўйди. Ҳатто Криштиану Роналду ҳам Бензема ўтказаётган машғулотларга чидай олмайди", - деди Паррадо Marca нашри билан суҳбатда.
Эслатиб ўтамиз, 35 ёшли франциялик ҳужумчи "Мальорка" билан сўнгги ўйинни ўтказиб юборган ва клублар ўртасидаги жаҳон чемпионатида "қаймоқранглилар"га ёрдам бермайди.
Карим жорий мавсумда Ла Лиганинг 12 ўйинида 9 та гол урди ва 3 та голли узатмани амалга оширди.
