Ўтган ёзда "Манчестер Юнайтед" "Вест Хэм" ярим ҳимоячиси Деклан Райс учун 100 миллион фунт таклиф қилганди.
Хабарингиз бор, 2022 йил ёзги трансфер ойнаси якунида “Манчестер Юнайтед” Каземирони “Реал”дан 70 миллион фунтга сотиб олганди.
Бироқ, 30 ёшли бразилиялик футболчи учун пул сарфлашдан аввал, "қизил иблислар" Райс ёрдамида ярим ҳимоя чизиғини кучайтиришга ҳаракат қилишганди, деб хабар бермоқда talkSPORT нашри.
"Вест Хэм" "Манчестер Юнайтед"нинг 100 миллион фунтлик таклифини рад этди ва Декланни клубда яна бир мавсум қолишга кўндирди.
Райснинг шартномаси тугашига атиги бир йил қолган, аммо "Вест Хэм"да 24 ойга узайтириш имконияти бор, Декланнинг келажаги хавфсиз.
Манбанинг қўшимча қилишича, Райсни шу ёзда сотиб олиш учун 120 миллион фунт ва бонуслар керак бўлади, бу Декланни Премьер-лиганинг барча даврлардаги энг қиммат футболчисига айлантиради.
