"Милан" ва "Атлетико" клублари "Реал" ва Испания терма жамоаси ярим ҳимоячиси Дани Себальосга қизиқиш билдирмоқда, деб хабар беради Marca.
Манбанинг хабарига кўра, Милан ва Мадрид клуби футболчини келаси ёзда, унинг мадридликлар билан шартномаси тугаши билан шартнома имзолаш ниятида. Шу тариқа ярим ҳимоячи бошқа клубга текинга ўтиши мумкин бўлади. Бироқ Себальос "Реал"да қолишдан умидвор ва клубдан янги шартнома кутмоқда.
26 ёшли Себальос жорий мавсумда “Реал” сафида 21 та ўйинда майдонга тушиб, 1 та гол урди ва 4 та голли узатмани амалга оширди.