"Milan" va "Atletiko" klublari "Real" va Ispaniya terma jamoasi yarim himoyachisi Dani Sebalyosga qiziqish bildirmoqda, deb xabar beradi Marca.
Manbaning xabariga ko‘ra, Milan va Madrid klubi futbolchini kelasi yozda, uning madridliklar bilan shartnomasi tugashi bilan shartnoma imzolash niyatida. Shu tariqa yarim himoyachi boshqa klubga tekinga o‘tishi mumkin bo‘ladi. Biroq Sebalyos "Real"da qolishdan umidvor va klubdan yangi shartnoma kutmoqda.
26 yoshli Sebalyos joriy mavsumda “Real” safida 21 ta o‘yinda maydonga tushib, 1 ta gol urdi va 4 ta golli uzatmani amalga oshirdi.