"Барселона" ва Бразилия терма жамоасининг собиқ ҳужумчиси Роналдиньо "Севилья" билан Ла Лиганинг 20-тур учрашувида гол урган ва голли узатмани амалга оширган ҳамюрти Рафинья ҳақида гапирди. "Кўк-анорранглилар" баҳсда 3:0 ҳисобида зафар қучди.
“У ажойиб футболчи. Мен уни болалигидан яхши билардим. Ишончим комилки, бундан буён Рафинья учун "Барселона"да ҳаммаси яхши бўлади", - дея Роналдиньонинг сўзларини келтиради Sport.es.
26 ёшли Рафинья 2022 йилнинг ёзида “Лидс”дан “Барселона”га ўтган эди. Transfermarkt хабарига кўра, бразилиялик ҳужумчининг келишуви Каталония клубига 58 млн еврога тушган. Рафинья жорий мавсумда 29та ўйинда 6та гол урди ва 8та голли узатмани амалга оширди.
