Мадриднинг "Реал" клуби бош мураббийи Карло Анчелотти ҳужумчи Винисиус Жуниорга нисбатан доимий қоидабузарликлар ҳақида гапирди.
"Мен доимо сўрайдиган савол - Винисиус ўзини нимадан ҳимоя қилиши керак?" Унинг жамоадошлари нимадан ҳимояланишлари керак? Винисиус билан муаммо борми? Бу унинг атрофида содир бўлади. Бу испан футболидаги муаммо ва биз уни ҳал қилишимиз керак. Кимгадир у айбдордек туюлади, лекин мен ниманидир тушунмаяпман", - деди Анчелотти Mundo Deportivo билан суҳбатда.
22 ёшли Винисиус жорий мавсумда 31 ўйинда 13 та гол урди ва 6 та голли узатмани амалга оширди. Аввалроқ Жуниор ўзи иштирокидаги ўйинларда ҳакамлар ишидан норози бўлгани хабар қилинганди. Унинг фикрича, ҳакамлар унга қўполлик қилган футболчиларни жазоламайди.
