"Ювентус" харажатларни камайтириш учун ёзда 5 нафар футболчиси билан хайрлашмоқчи.
Очколар олиб ташланганидан кейин “Ювентус” кейинги мавсумда Чемпионлар лигасига кира олмаслиги эҳтимоли юқори. Оқибатда даромадни йўқотиши сабабли клуб ўйинчи харажатларини камайтиришга мажбур бўлади.
La Gazzetta dello Sport хабарига кўра, итальян клуби Адриен Рабьо, Алекс Сандро, Хуан Каудрадо, Леандро Паредес ва Анхель Ди Мария билан шартномани узайтирмайди. Бунинг эвазига “Ювентус” 70 миллион еврога яқин маошларни тежайди.
Бу футболчиларнинг барчасининг “Ювентус” билан шартномаси 2023 йилнинг ёзига қадар тузилган.
