Ҳозирда Каталониянинг «Барселона» жамоаси Ла Лига 2022/23 йилги мавсумда ашаддий рақиби «Реал Мадрид»ни 8 очкога ортда қолдириб, чемпионлик учун дадил қадам билан одимлаб бормоқда. «Кўк-анорранглилар»нинг чемпионликни қўлга киритмасликлари учун ғайриоддий бир воқеа юз бериши керак. Жамоа яқин 30 кун ичида лигада 7 та ўйинини ўтказиши керак, ва уларнинг барчаси деярли жуда муҳим. Бироқ, клуб учун қийинчилик туғдириши кутилаётган икки рақиб бор.

«Кадис» билан ўйин

Ушбу мавсумнинг биринчи давра ўйини олдидан «Кадис» «Барса» учун жиддий рақибдек кўринганди. Каталонияликлар ўша баҳсда 4:0 ҳисобида зафар қучган бўлса-да, ундан аввалги 4 та ўйинда «кўк-анорранглилар» ғалаба нималигини билмаган. Жамоада Лео Месси ўйнаган даврда ҳам «Кадис»ни енгиш анча қийин иш бўлган.

Ҳозир «Кадис» турнир жадвалида 18-ўринда, аммо мутахассислар ўзаро ўйинда яна сенсация кузатилиши мумкин деб ҳисобламоқда.

Класико

«Барселона» ва «Реал» ўртасидаги ҳар қандай ўйинда жамоаларнинг таркиби ва спорт формасидан қатъий-назар имкониятлар - 50/50. Таркиб ва унвонлар бўйича лигада «Барса»га тўғри келадиган фақат битта жамоа бор ва у айнан «Реал Мадрид».

Қизиқарли факт: «блауграна» октябрь ойида «қаймоқранглилар»га 3:1 ҳисобида мағлуб бўлганидан бери Испания чемпионатида бирор ўйин ҳам мағлуб бўлмаган. Икки клуб тўқнаш келган бошқа турнирларни олиб ташласак, сўнгги бешта ўйинда «Класико»да шахсий учрашувларда энг яхши натижа Мадридда бўлган.

Бу ўйинлар олдидан «Барса» Европа лигасида «Юнайтед» билан тўқнаш келади. Ла Лигада «Вильярреал» (12 февраль, Испанияда 5-ўрин), шунингдек, «Атлетик Бильбао» (12-март, 7-ўрин) билан жанглар кутмоқда.