"Реал" ярим ҳимоячиси Тони Кроос тез орада келажаги ҳақида бир қарорга келади.
33 ёшли футболчи фаолиятини якунлаш ёки "Реал" билан шартномасини яна бир йилга узайтириш ўртасида танлов қиляпти. Яқинда "қаймоқранглилар"нинг устози Карло Анчелотти немис ярим ҳимоячисининг клуб билан музокаралари қандай якунланишини билмаслигини айтди.
Инсайдер Фабрицио Романонинг сўзларига кўра, вазият жуда тез орада ойдинлашади - келгуси ҳафталар футболчининг келажакдаги тақдирини ҳал қилишда муҳим бўлади.
Тони Крооснинг "Реал" билан амалдаги шартномаси июнь ойида ниҳоясига етади. Жорий мавсумда у мадридликлар сафида 28 та ўйинда майдонга тушиб, 2 та гол ва 4 та голли узатмага муаллифлик қилган.
