"Аталанта"нинг туркиялик ҳимоячиси Мерих Демирал "Ювентус"нинг Криштиану Роналду исмли ва португалияликнинг автографи туширилган формасини сотмоқчи. Бу ҳақда туркиялик футболчи ўзининг ижтимоий тармоғида ёзган.
"Мен Криштиану билан гаплашдим, у Туркияда содир бўлган воқеадан жуда хафа эканлигини айтди. Мен ўз коллекциямдаги унинг футболкасини кимошди савдосига қўяман", — деб пост қолдирди Демирал.
Ҳимоячининг тушунтиришича, савдодан тушган барча маблағ Туркиядаги зилзила қурбонларига ёрдам бериш учун сарфланади. Эслатиб ўтамиз, зилзила мамлакатнинг жануби-шарқига таъсир кўрсатди - Газиантеп, Қаҳраманмараш, Малатья, Антакья, Искендерун ва Шанлиурфа каби йирик шаҳарларга салбий таъсир кўрсатди.
