Каталониянинг “Барселона” клуби вингери Ферран Торрес жамоасини тарк этиш ниятида эмас. Mundo Deportivo хабарига кўра, испаниялик футболчи Хави Эрнандес қўл остида "Камп Ноу"да муваффақият қозонишига ҳали ҳам ишончи комил.
Қайд этилишича, январь ойида Торресда трансфердан бир йил ўтиб "Барселона"ни тарк этиш имконияти мавжуд эди. Ферран Англия Премьер-лигасининг номи номаълум клублари сафига қўшилиши мумкин эди, бироқ футболчи якунда бу имкониятни рад этди.
Эслатиб ўтамиз, Торрес аввалроқ "Манчестер Сити"да ўйнаган. Бир йил аввал Хосеп Гвардиола жамоаси вингерни 55 миллион еврога “Барселона”га сотиб юборганди.













