"Бавария" спорт директори Хасан Салихамиджич Жоау Канселунинг "Манчестер Сити"дан ижарага олиниши ҳақида гапирди.
"Биз Канселунинг ижара ҳақи учун бир цент ҳам тўламадик. Сотиб олиш варианти эса мажбурий эмас", - дея Салихамиджичнинг сўзларини келтирган журналист Фабрицио Романо.
Қайд этилишича, "Бавария" Канселу маошини мавсум охиригача тўлайди. Жоау аллақачон Бундеслигада Юлиан Нагельсманн жамоасида дебют қилган ва шу заҳотиёқ голли узатмани амалга оширган.