Инсайдер Фабрицио Романо "ПСЖ" ва Маркиньос ўртасида янги шартнома бўйича бўлажак келишувни тасдиқлади.
Аввалроқ, француз ОАВлари бразилиялик ҳимоячи парижликлар билан янги шартнома имзолашга бир қадам қолгани ҳақида аллақачон хабар тарқатган эди. Романонинг сўзларига кўра, ҳозирча ҳужжатлар имзоланмаган, аммо "ПСЖ" 28 ёшли футболчи келажагини албатта клуб билан боғлашига ишонмоқда. Раҳбарият футболчини келажакда лойиҳанинг асосий таркибий қисмларидан бири сифатида кўради.
Маркиньоснинг амалдаги шартномаси кейинги мавсум охиригача амал қилади.