Лондоннинг “Арсенал” ва “Челси” клублари ҳали “Брайтон” ярим ҳимоячиси Мойсес Кайседо учун курашни тўхтатгани йўқ.
Январь ойида иккала пойтахт клуби ҳам колумбиялик футболчини ўзига жалб қилмоқчи бўлди, бироқ "Брайтон" рад жавобини берди. CaughtOffside хабарига кўра, "Арсенал" ва "Челси" ёзги трансфер ойнаси очилгандан сўнг 21 ёшли ярим ҳимоячини сотиб олиш учун янги уринишлар қилишлари мумкин.
Transfermarkt экспертлари Мойсес Кайседони 38 миллион еврога баҳолаган. Январь ойидаги трансфер ойнасининг сўнгги кунларида "Арсенал" унинг учун 70 миллион евродан кўпроқ пул тўлашга тайёрлиги ҳақида миш-мишлар тарқалди.













