“Ювентус” вингери Анхель ди Мария мавсум якунланганидан кейин фаолиятини Европада давом эттиришни режалаштирмоқда.
Миш-мишларга кўра, Турин клуби аргентиналик футболчи билан ёзда, унинг амалдаги шартномаси тугаши билан хайрлашишга тайёр, 34 ёшли футболчининг ўзи эса ватанига қайтишга қарши эмас. Журналист Гастон Эдулнинг хабар беришича, вазият бироз бошқача: Ди Мариянинг "Ювентус"даги келажаги ҳали аниқ эмас, Жаҳон чемпиони эса Европада камида бир мавсум ўтказишни режалаштирмоқда.
Анхель ди Мария жорий мавсумда "Ювентус"нинг 17 ўйинида майдонга тушиб, 3 та гол ва 5 та голли узатмани амалга оширган.
