“Ливерпуль” ярим ҳимоячиси Наби Кейта жорий мавсум якунида жамоада қолиши даргумон.
Гвинеялик футболчининг шартномаси июн ойида тугайди ва ҳозирча томонлар ҳамкорликни узайтириш бўйича келишувга ҳам яқин эмас. Liverpool Echo хабарига кўра, Кейтага янги даъвогар бор - Италиянинг "Рома" клуби ярим ҳимоячини эркин агент сифатида ўз сафига қўшиб олишни режалаштирмоқда.
Аввалроқ ОАВда Лондоннинг "Тоттенхэм" клубининг 27 ёшли футболчи хизматларига қизиқиш билдирилгани ҳақида хабарлар тарқалган эди.
Transfermarkt экспертларининг фикрича, Наби Кейтанинг ҳозирги трансфер қиймати 20 миллион еврони ташкил қилади. Жароҳати туфайли футболчи жорий мавсумда "Ливерпул"нинг атиги 11та учрашувида қатнашган.
