Англия премьер-лигасининг саккизинчи туридан ўрин олган қолдирилган ўйинда «Лидс» сафарда «Манчестер Юнайтед»ни мағлуб эта олмади.
Меҳмонлар дастлаб иккита тўп фарқи билан олдинга чиқиб олганди, аммо буни ушлаб қола олишмади.
Маълум бўлишича, бу «Лидс»нинг АПЛ доирасидаги «Олд Траффорд»да ғалаба қозона олмай келаётган кетма-кет ўн саккизинчи ўйини бўлди.
Серия 1981 йилда бошланган, ўшанда «Лидс» рақибни минимал ҳисобда мағлуб этганди. Бу серия клуб антирекордининг такроридир - 1921 йилдан 1956 йилгача жамоа «Вест Хэм» майдонида кетма-кет ўн саккизта ўйинни юта олмаганди.
