Италиянинг "Салернитана" клуби сербиялик футболчи Иван Радованович билан хайрлашганини эълон қилди. Радованович 2022 йил январь ойининг сўнгги кунида жамоа билан бир йиллик шартнома имзолаган эди ва томонлар ўртадаги ҳамкорликни узайтиришни хоҳлашмади. Шу сабабли шартномаси якунига етган 34 ёшли футболчи жамоани тарк этди.
"Клуб Иваннинг профессионаллиги, иштироки учун миннатдорчилик билдиради ва келажак учун энг яхши тилакларни билдиради", - дейилади "Салернитана"нинг хабарида.
Белградда туғилган Радованович Италиянинг бошқа клубларида, жумладан, "Аталанта" ва "Женоа"да ҳам ўйнаган, шунингдек, Сербия терма жамоасида ўнта ўйинда майдонга тушган.
