Italiyaning "Salernitana" klubi serbiyalik futbolchi Ivan Radovanovich bilan xayrlashganini e’lon qildi. Radovanovich 2022 yil yanvar oyining so‘nggi kunida jamoa bilan bir yillik shartnoma imzolagan edi va tomonlar o‘rtadagi hamkorlikni uzaytirishni xohlashmadi. Shu sababli shartnomasi yakuniga yetgan 34 yoshli futbolchi jamoani tark etdi.
"Klub Ivanning professionalligi, ishtiroki uchun minnatdorchilik bildiradi va kelajak uchun eng yaxshi tilaklarni bildiradi", - deyiladi "Salernitana"ning xabarida.
Belgradda tug‘ilgan Radovanovich Italiyaning boshqa klublarida, jumladan, "Atalanta" va "Jenoa"da ham o‘ynagan, shuningdek, Serbiya terma jamoasida o‘nta o‘yinda maydonga tushgan.
