"Манчестер Юнайтед" етакчиси Бруну Фернандеш АПЛнинг 8-туридан ўрин олган қолдирилган ўйинда "Лидс"га қарши кечган ўйинда очко йўқотгани ҳақида гапирди. "Манкунианликлар" аввалига 0:2 ҳисобида мағлуб бўлишаётганди, аммо якунда дурангга эришди - 2:2.

"Ушбу ўйинда гол уриш учун кўплаб имкониятларимиз бўлди. Вазиятлардан унумли фойдалана олмаганим ачинарли. Лекин ҳамма "Манчестер Юнайтед" жанг қилишга тайёрлигини кўрди. Менимча, бизда ҳали захира бор, жамоа кўпроқ нарсага қодир. "Олд Траффорд"да бундай ажойиб қўллаб-қувватлаш билан 0:2 ҳисобидан кейин камбэк қилиш ҳеч қачон муаммо бўлмайди. Мухлисларимизга бундай қўллаб-қувватлаганликлари учун миннатдорчилик билдирамиз", - деди португалиялик футболчи клуб матбуот хизматига.

Ушбу ўйиндан кейин "Манчестер Юнайтед" АПЛда учинчи ўринда бормоқда.