"Реал" бош мураббийи Карло Анчелотти ўнг қанот ҳимоячиси Дани Карвахаль нима учун "Ал Аҳли"га қарши клублар ўртасидаги жаҳон чемпионати ярим финалида майдонга тушмаганини тушунтириб берди.
Эслатиб ўтамиз, "қироллик клуби" Миср жамоасини 4:1 ҳисобида мағлуб этиб, "Ал-Ҳилол" билан ўйнайдиган финалга йўл олди.
“Карвахалда жароҳат бор эди, шунинг учун у ярим финалда иштирок эта олмади. Уни Пайшанба куни финалда ўйнашини кутамиз", - деди Анчелотти матбуот анжуманида.
Эслатиб ўтамиз, "Ал-Ҳилол" билан финални Испания жамоасининг асосий дарвозабони Тибо Куртуа ўтказиб юборади. Марказий ҳимоячи Эдер Милитао ва ҳужумчи Карим Бенземанинг иштироки сўроқ остида.
